Dalagang muling nabuhay matapos ideklarang patay, tampok sa 'Wish Ko Lang'

Sawa na raw si Mae sa pag-inom ng gamot at pagpunta sa doktor, kaya para maagapan ang kanyangasthma, naisip niya na inumin lahat ng gamot niya nang sabay sabay. Imbes na bumuti, lalong lumala ang kalagayan ng dalaga, siya ay na-comatose.

Nahirapan daw ang mga doktor na siya ay mapagaling, sa katunayan, umabot na sa kasunduan na alisin na raw ang mga aparatong bumubuhay kay Mae dahil wala na raw siyang pag-asa. Hanggang  sa naganap na nga ang pagsuko ng katawan ni Mae sa pagdurusa. Pero dahil sa taimtim na panalangin ng kanyang lola, himala na muli siyang nabuhay matapos na idiniklerang patay ng ilang minuto.

Abangan ang pagganap nina Thea Tolentino at Boots Anson Roa para isabuhay ang mga tagpong ito saWish Ko Lang!, kasama si Vicky Morales, Sabado ng hapon, pagkatapos ng Karelasyon sa GMA-7.