"The New Trudis Liit Meets the Original and a Letter for a Favorite Teacher"

Episode on August 7, 2010 Saturday after Startalk ANG BAGONG TRUDIS SOSORPRESAHIN ANG DATING TRUDIS NA SI ATE VI AT ANG GURONG PABORITO NG MARAMI…SA WISH KO LANG! May bagong kinagigiliwan ngayon sa telebisyon. Ito ay ang limang taong gulang na cute at bibong artista na si Jillian Ward. Siya ang gumaganap na bida sa palabas na Trudis Liit. At sa dinami rami ng taong humahanga sa kanya, isang bituin ang nagnanais na makilala siya. Walang iba kundi ang Star for All Season at ang original Trudis Liit na si Governor Vilma Santos Recto. Mula sa isang social networking internet site, naisipang idulog ng mga guro at estudyante ang hiling para sa isang tao, at ang titulo ay “ A LETTER TO WISH KO LANG!". Nais nilang matulungan si Ginang Fe Briones. Siya ay kuwarenta’y sais anyos at nitong taon lang ay lumala na ang kanyang cervical cancer. Napilitan na siyang huminto sa mundong kanyang minahal, ang pagtuturo. At ikinalungkot ito ng mga taong nasa paligid niya. Abangan ang pambihirang pagtatagpo ni Trudis Liit at Trudis Laki, maging ang pagbigay pugay kay Teacher Fe. Lahat ng yan sa Wish Ko Lang! kasama si Vicky Morales, Sabado ng hapon, pagkatapos ng Startalk sa GMA-7.