'Oplan Sinta,' tampok sa 'Wagas'

APRIL 27, 2019

Sa isang checkpoint, magtatagpo ang landas ng police officer na si Amir at ang noo’y sawi sa pag-ibig na si Clarisse.

Nang sitahin ni Amir ang motorcycle rider na si Clarisse, tila na love at first sight ang pulis sa dalaga.  At parang biro ng tadhana—nahanap nilang muli ang isa’t isa. Matapos ang ilang dates at ligawan—naging magkasintahan sina Clarisse at Amir.

Pero dahil isang pulis si Amir, maraming bagay ang ikinakabahala ni Clarisse.  Ilan na rito ang pagiging malapit ng nobyo sa peligro at maging sa tawag ng tukso.  Matapos dumaan sa isang failed relationship, ayaw na ni Clarisse na pagdaanan itong muli.

Paano kaya makaaapekto ang alinlangang ito sa relasyon ng dalawa?

Tampok sina Lucho Ayala at Ayra Mariano sa WAGAS “Oplan Sinta” sa Sabado, 7PM sa GMA News TV.