'Tunay na Buhay' ni Royce Cabrera

TUNAY NA BUHAY
ni ROYCE CABRERA
APRIL 28, 2021

Dati lang siyang pasasali-sali sa mga pageant at hindi rin naging madali ang pagpasok niya sa showbiz. Naranasan daw niyang pumila para mag-audition at makailang ulit din na-reject. Madalas din daw nakukuwestiyon ang husay niya sa pag-arte. Pero nang mabigyan ng big break, ibinuhos niya ang lahat sa pelikulang “Fuccbois” kung saan na-nominate siya bilang Best Actor sa 43rd Gawad Urian. Sunud-sunod na rin ang paggawa niya ng mga BL o Boys’ Love movies habang may quarantine.

At para muling subukin ang husay ni Royce, isang surprise acting challenge ang inihanda ng Tunay na Buhay para sa kaniya! Ang mga kaeksena—ang batikang aktor na si Mon Confiado na idolo ni Royce, ang kaniyang co-actor sa movie na si Kokoy de Santos, at ang young actress na si Kate Valdez na malapit na kaibigan ni Royce.

Bukod diyan, ibabahagi rin ni Royce ang kaniyang work out tips sa jump rope exercise!

Ngayong Miyerkules, samahan si Pia Arcangel na alamin ang kuwento ng #TunayNaBuhay ni Royce Cabrera, 11:30 PM sa GMA!