'Tunay na Buhay' nina Fr. Fiel Pareja at Fr. Joey Faller

TUNAY NA BUHAY
FR. FIEL PAREJA & FR. JOEY FALLER
MARCH 31, 2021 (HOLY WEDNESDAY)

Ilang buwan lang matapos ma-ordinahan si Father Fiel Pareja bilang pari, nagkaroon naman ng community quarantine dahil sa pandemya. Para hindi mawala ang koneksyon sa kaniyang parokya, ang naisip niyang paraan: social media evangelization. Ngayon ay meron na siyang 1.1 Million followers sa TikTok kung saan siya nagbibigay ng Bible verse reading, mga panalangin, at motivational videos.

 

 

Binisita siya ni Pia Arcangel sa Immaculate Conception Parish sa Angeles City, Pampanga kung saan ibabahagi ni Fr. Fiel kung ano ang naging dahilan nang pagpasok niya sa seminaryo. Siyempre pa, makiki-TikTok na rin si Pia kasama si Father!

Samantala, taon-taon, dumadagsa ang mga deboto sa Kamay ni Hesus Healing Church sa Lucban, Quezon. Pero mula nang magka-pandemya, ang pamosong ‘healing masses’ ni Father Joey Faller na dinarayo ng mga may karamdaman, ay naging ‘online masses’ na rin. At kahit online na ang pagpe-pray over ni Fr.Joey, may ilang nagpapatunay na epektibo pa rin ito.

 

 

Ngayong Miyerkules, sa Holy Week Special ng ‘Tunay na Buhay,’ samahan si Pia Arcangel na mas kilalanin pa ang binansagang ‘Father TikToker ng Pampanga’ na si Father Fiel Pareja, at ang tinaguriang ‘Healing Priest’ na si Father Joey Faller, 11:30 PM pagkatapos ng ‘SAKSI’ sa GMA.