'Tunay na Buhay' ni Roi Vinzon, ibabahagi ngayong Miyerkules

Ang TUNAY NA BUHAY ni “ROI VINZON”

Mula sa pagiging action star hanggang sa pagiging kontrabida, at pati nga ang pagiging bading --- nagampanan na ng sixty three years old na si Roi Vinzon. Isa sa mga pinaka tumatak niyang pelikula ang Jesus Salonga Alyas Boy Indian taong 1998. At sa kasalukuyan, napapanuod naman siya sa fantaseryeng Mulawin vs. Ravena.

 

Pero bukod sa pag-a-artista, abala rin daw si Roi sa kanyang farm sa Pampanga. Samahan si Rhea Santos na silipin ito at alamin din kung paano nga ba tumagal ng halos apat na dekada ang kanyang showbiz career. Bibida si Roi Vinzon sa Tunay na Buhay ngayong Miyerkules, pagkatapos ng Saksi.