Personal na kuwento ni Julio Diaz, tampok sa 'Tunay na Buhay'

Ang "Tunay na Buhay" ni Julio Diaz

Kasalukuyang nasa ICU pa rin ang beteranong aktor na si Julio Diaz. Kamakailan lang, sumailalim siya sa brain surgery pagkatapos niyang ma-stroke. 

Sa nangyaring ito, nagkaisa sa paglikom ng tulong pinansyal ang kanyang pamilya, mga kaibigan at kapwa artista.

Ngayong Miyerkules, samahan si Rhea Santos na balikan ang naging kontribusyon ni Julio Diaz sa mundo ng showbiz. At kumustahin din ang kasalukuyan niyang kondisyon sa "Tunay na Buhay."