Beauty and talent showdown sa 'Tonight with Arnold Clavio'

BEAUTY AND TALENT SHOWDOWN!
November 20, 2019

Ngayong Miyerkules, riot sa tawanan ang hatid ng tandem nina Melanie Marquez at Dyosa Pockoh sa Tonight with Arnold Clavio!

Umpisa pa lang, magpapasiklaban na sila sa witty answers sa TWAC Q and A game. Paano kaya nila mabibigyan ng malalim na explanation ang mga maikli at simpleng hashtags gaya ng “#blessed,” “#nofilter,” or “#feels”? 

Dahil may kinalaman sa pagiging marino ang kwento ng kanilang show na One of the Baes, ibabahagi rin nila ang kanilang mga pananaw sa pakikipagrelasyon sa Hugot Marino Quotes.

At dahil model at beauty queen si Melanie, tuturuan niya si Dyosa kung paano ang tamang pagrampa, pagkaway at pag-project sa harap ng camera. Si Dyosa naman ay magbibigay ng tips kay Melanie tungkol sa vlogging. 

Kasama rin sa masayang episode ang grand winners ng Ginoong Pilipinas 2019! Sasalang din sila sa interview kung saan sina Melanie at Dyosa ang siyang magbibigay ng tanong. 

Siguradong puno ng kilig at tawanan ang ating Wednesday night sa Tonight with Arnold Clavio, 7:15pm sa GMA News TV!