'Reporter's Notebook,' ilalahad ang krisis sa Zamboanga City

REPORTER’S NOTEBOOK

Airing Date: September 17, 2013

 

KRISIS SA ZAMBOANGA

Reporter’s Notebook Special Report

Ulat nina Jiggy Manicad at Maki Pulido

 

Sa mahigit isang linggong bakbakan sa pagitan ng mga sundalo at pwersa ng rebeldeng Moro National Liberation Front o MNLF ni Nur Misuari, nagmistulang isang war zone ang dating payapa at tahimik na pamumuhay ng mga residente ng Zamboanga City. Bukod sa pakikipagbakbakan sa mga sundalo, nanghostage umano ng may tatlong daang katao ang MNLF. Sinunog rin ang ilang kabahayan.

 

Sa isang linggong pananatili ng aming grupo sa Zamboanga City, walang araw na tumigil ang putukan at ang pinaka-naapektuhan ay ang mga sibilyan. Sa kabuuan, umaabot na sa dalawampu’t dalawang evacuation centers ang pansamantalang tinitirhan ng halos pitumpung libong kataong nagsilikas dahil sa bakbakan. Ang mas malungkot, nasa mahigit animnapu na ang nasawi dahil rito.

 

Paano mawawakasan ang krisis na ito na nagparalisa sa kabuhayan, sumira sa maraming kabahayan at nagdulot ng takot at pangamba sa marami?

 

Huwag palalampasin ang mas pinalawak na pagbabantay sa mga isyu ng lipunan at pamahalaaan sa Reporter's Notebook ngayong Martes, ika-17 ng Setyembre pagkatapos ng Saksi.