Davao fruits, ihahain sa "Pinas Sarap"

Higit na kilala ngayon at binibisita ang Davao City dahil dito galing si President Rodrigo Duterte. Pero alam niyo ba na bago pa man siya maging presidente, dinarayo na ang Davao City dahil sa kanilang masasarap na prutas?
Tinaguriang Fruit Basket Capital of the Philippines ang Davao City. Bukod sa dito galing ang malaking bahagi ng suplay ng prutas sa Pilipinas, samu’t saring prutas din kasi ang matitikman dito.

“Smells like hell, but tastes like heaven,” karaniwang ganito ilarawan ang tinaguriang king of tropical fruit… ang durian! May distinct na amoy kasi ang prutas na ito na karaniwang hindi swak sa sense of smell ng marami. Pero ito ang isa sa ipinagmamalaking prutas ng Davao City dahil sa matamis at malinamnam nitong laman. At para magustuhan din ito ng iba pa, naisip ng mga davaoeno na gumawa ng ilang produkto mula sa durian gaya ng durian cheesecake, durian pie, durian jam at durian candies.

Isa sa madalas mong makita sa mga tindahan ng prutas ang pomelo. At ang pinakamasasarap na pomelo, mula pa sa Davao City!  isinama na rin nila ito sa kanilang mga putahe gaya ng Pomelo spring rolls, no bake pomelo cheesecake, pomelo gello at ang pomelo sorbet with pomelo tempura.

Isa pa sa bumibidang prutas ng mga Davaoeno, ang tinaguriang queen of tropical fruits… ang mangosteen! Bukod sa pagkain sa medyo maasim at matamis na bunga nito, isinasama na rin nila ang mangosteen sa kanilang mga lutuin. Bagay daw ito sa traditional dish at gourmet recipes gaya ng kinilaw na tuna with mangosteen granita, ginisang mangosteen at sinigang na bangus in mangosteen.

Tara, samahan niyo kami mag foodtrip sa Davao, tutok na sa pinakamasarap na programa sa telebisyon, ang Pinas Sarap ngayong Huwebes 10:15PM sa GMA News TV Channel 11!

English version:
Davao City is a visited place because President Rodrigo Duterte is from here. But do you know even that before he became the President, Davao City is already popular because of their popular fruits?
Davao has been known as the fruit basket Capital of the Philippines. The bulk supply of fruits in the country is grown in the province.
This fruit smells like hell, but tastes like heaven, this is how people usually describe this known king of tropical fruit called durian. It has a distinct smell that is usually unpleasant; but this is one of the prides of Davao City because of its sweet and yummy taste. And in order for others to appreciate the fruit, Davaoenos made some products with durian such as durian cheesecake, durian pie, durian jam and durian candies.
One of the commonly seen fruit in the market here is pomelo. Because the yummiest fruit is from Davao City! This is also mixed with different dishes such as Pomelo spring rolls, no-bake pomelo cheesecake, pomelo gello and pomelo sorbet with pomelo tempura.
Another fruit that is also found in Davao is the famous queen of tropical fruits, mangosteen. The slightly sweet and sour taste of mangosteen can be comsumed by just opening the fruit, or it can also be mixed with dishes. This is suitable with other traditional dish and gourmet recipes like tuna kinilaw with mangosteen granite, sautéed mangosteen and milkfish sinigang in mangosteen.
Join us in our Davao foodtrip, on the yummiest program on Television, Pinas Sarap, thursday, 10:15pm on GMA News TV!