'Batang Entrepinoy,' dokumentaryo ni Sandra Aguinaldo, ngayong Sabado sa 'I-Witness'

“BATANG ENTREPINOY”
Dokumentaryo ni Sandra Aguinaldo         
June 27, 2015

Anim na warehouse na naglalaman ng isang milyong paninda. 400 na empleyado sa loob lang ng tatlong taon. Pinapatakbo ng isang boss na 31 taong gulang pa lang.

Gumagawa naman ng cellphones, tablets, powerbanks at iba pang gadget, kasama ang isang concept store na may 5,000 vinyl records ay pagmamay-ari naman ng isang 30 tang gulang na negosyante.

Sa Pilipinas, tila pabata na nang pabata ang sumusugal sa negosyo. Si Paulo Campos III, nagtapos ng Public and International Affairs sa Princeton University at may Masters in Business Administration sa Harvard University, itinatag ang Zalora Philippines noong 28 anyos pa lamang siya. Ngayon, ito na ang pinakamalaking online fashion retailer sa bansa.

Tila simple ang negosyo ng online retailing pero sa loob ng opisina ng Zalora, may sarili silang photostudio, anim na in-house photographers at dalawang in-house models. May sarili rin silang call center na may 60 na ahente. Ang Zalora Group ay isang conglomerate mula sa iba’t ibang bansa at noong 2014, kumita ng 170 million Euros o katumbas ng anim na bilyong piso.  

Si Edric Chua naman, nagtapos ng Economics sa Ateneo De Manila University.  Ginusto niya sanang maging isang duktor para sa inang may sakit na kanser. Nang sumakabilang buhay ito, umuwi si Edric mula Canada para tulungan ang amang mag negosyo. Makalipas ang ilang taon, nagsarili rin ito at ngayon nagpapatakbo na ng dalawang negosyo.

Ano nga ba ang sikreto ng mga batang entrepinoy? Aalamin ito ni Sandra Aguinaldo, ngayong Sabado sa I-Witness. Mapapanood ang I-Witness sa GMA 7, pagkatapos ng Celebrity Bluff.



English version:

Six warehouses containing 1 million items. 400 employees in a span of 3 years. It's a business run by a 31 year-old.

A manufacturer of cellphones, tablets, power banks and other gadgets and a concept store selling 5,000 vinyl records---owned by a 30 year-old.

It seems that in the Philippines, more young people are taking a risk at starting a business. Paulo Campos III, finished Public and International Affairs from Princeton University and took his Masters in Business Administration at Harvard University. He established Zalora Philippines when he was only 28 years old.  Now, it is the largest online fashion retailer in the country.

Online retailing is a complicated business and inside the Zalora office, they have their own photo studio, with six in-house photographers, two in-house models and a call center with 60 agents. Though Zalora Group is a conglomerate from different countries, in 2014, they posted an impressive 140 million Euros in profit or an equivalent of 6 billion pesos.

Eric Chua on the other hand, is a graduate of Economics from Ateneo de Manila University.  He initially wanted to become a doctor for his mother who was afflicted with cancer. When his mother passed away, Edric went back to the Philippines to help his father with the family business.  After a few years, he ventured out on his own and is now the boss of two companies.

What is the secret to success of these young entrepreneurs? Sandra Aguinaldo finds out, this Saturday on I-Witness. I-Witness airs on GMA 7, after Celebrity Bluff.