'Isang Paglalakbay,' dokumentaryo ni Kara David, tampok sa 'I-Witness'

“I-WITNESS: ISANG PAGLALAKBAY”
Dokumentaryo ni Kara David
December 27, 2014
 
Sa mga nagtataasang bundok, sa mga sulok sa ilalim ng dagat, sa kalawakan ng walang patid na dilim?sinundan ni Kara David ang mga Pilipinong may kakaibang tibay ng loob. Sa pagbabahagi nila ng kanilang karanasan, iba ang halaga ng salitang “biyaya”. Sa kanilang payak na pamumuhay, mas makabuluhan ang salitang “kabuhayan”.
 
Ngayong Sabado, samahan si Kara David sa isang paglalakbay. Balikan ang mga kuwentong puno ng aksyon at pakikipagsapalaran: mula sa pangunguha ng pulot, sa pagpapaanod sa rumaragasang ilog, sa pagmimina sa ilalim ng lupa, hanggang sa paghuli ng igat at pugita. Ang mga dokumentaryong ito ay hindi lamang tungkol sa mga pambihirang karanasan, dahil ang mga dokumentaryong ito ay maaaring maging inspirasyon patungo sa pagbabago.
 
Mapapanood ang “I-Witness: Isang Paglalakbay” ni Kara David, sa I-Witness (GMA7), ngayong Sabado 10:30pm pagkatapos ng Celebrity Bluff. Para sa mga komento, i-tweet si Kara David (@karadavid) at ang I-Witness (@IWitnessGMA), at gamitin ang hashtag #IWitness15.