Pagsasamang nauwi sa krimen, sisiyasatin sa 'Imbestigador'

KALAGUYO?
Sa pagganap nina Mark Herras, Rob Moya at Meg Imperial
January 19, Sabado pagkatapos ng Wish Ko Lang sa GMA

Labing dalawang taon nang mag-asawa sina Marlon at Rosana Junio. Bagamat naging maayos ang pagsasama ng dalawa, hindi rin nakaligtas sa mga pagsubok ang kanilang pagsasama. Ganunpaman, kahit ilang beses naghiwalay, nauwi pa rin sa piling ng isa’t isa ang magkabiyak.

Pero Agosto taong dalawanglibo at labing pito, sa kanilang lugar sa Bani, Pangasinan, hindi inasahan na isang karumal-dumal na krimen ang tuluyang tutuldok sa kanilang pagmamahalan. Brutal na pinatay at ibinaon sa hukay ang tatlumpu’t anim na taong gulang na si Marlon.

Sa pag-usad ng imbestigasyon, natukoy ang suspek sa krimen: isang lalaking malapit sa asawa ng biktima at mas lalong hindi inasahan ang mga sumunod na natuklasan!