Kaso ng dalagang biktima umano ng 'crime of passion,' sisiyasatin sa 'Imbestigador'

 

“CRIME OF PASSION”: DALAWANG PAG-IBIG
Sa pagganap nina Kris Bernal, Maureen Larrazabal at JC Tiuseco
Sabado ng hapon, January 14 pagkatapos ng Wish Ko Lang

 

Ipagdiriwang sana ni Mary Jane ang kanyang ika-21 noong bisperas ng Pasko. Pero sa mismong araw na ito, isang karumal-dumal na krimen ang sinapit ng dalaga. Labing-apat siyang pinagsasaksak na tumapos sa kanyang buhay.

 

Magkasintahan sina Mary Jane at Michael. Pero matapos ang apat na taong away-bati ng dalawa, nanlamig si Mary Jane kay Michael at nauwi sa hiwalayan ang kanilang relasyon. Matapos nito, nakahanap ng bagong pag-ibig si Mary Jane sa katauhan ni Jerson.

 

Hindi ito natanggap ni Michael. Hanggang nagkaharap-harap ang tatlo at pinapili si Mary Jane kung sino sa dalawang lalaki ang kanyang iibigin. Sino ang pinili ni Mary Jane? Sino ang pumatay sa kanya?

 

‘Wag palampasin ang nangungunang Imbestigador ngayong Sabado ng hapon, January 14 pagkatapos ng Wish Ko Lang!