Kaso ng pagpaslang sa isang dalaga sa Pangasinan, sisiyasatin sa 'Imbestigador'

“JOYCE”
November 21, Sabado
pagkatapos ng CelebriTV sa GMA

Siya si Joyce, labinglimang taong gulang, pang-apat sa limang magkakapatid at ang tanging katuwang ng kanyang ina sa paglalabada.

Oktubre 25, 2015, nagpaalam si Joyce sa ina para makipagkita sa ilang kaibigan sa Urdaneta, Pangasinan. Pero lumipas ang buong araw, hindi na nakausap o nakita ng kaniyang pamilya si Joyce. Sa kalapit na bayan ng Asingan, Pangasinan, isang dalagitang nakahandusay sa kalsada ang natagpuan sa pareho ring araw.  Puno ng mga sugat at pasa at may malalim na saksak sa dibdib ang biktima. Wala na siyang buhay nang datnan ng mga pulis.

Nasaan at ano ang nangyari kay Joyce? Siya nga kaya ang natagpuan sa tabing kalsada? Ano ang motibo at sino ang nasa likod ng krimen?

Abangan ang Imbestigador ngayong Sabado, Nov. 21 pagkatapos ng CelebriTV sa GMA!