Most wanted ng Bobon, Northern Samar, tiklo sa 'Imbestigador'

BOBON'S "MOST WANTED"
APRIL 20, 2014
9:15 PM

Siya ang numero uno sa “Most Wanted List” sa Bayan ng Bobon, Northern Samar—ang dalawamput anim na taong gulang na si Noel Notado. Nahaharap siya sa kasong panggagahasa ng kinse anyos na dalagita.

Apat na taon mula nang maganap ang krimen, nanatili siya sa laya habang ang dalagita ay pilit itinataguyod ang naging bunga ng kagagawan ni Noel. Pero matapos makipagpatintero ng suspek sa mga alagad ng batas, bibingwitin na ang ang “Most Wanted” ng Bobon.  

Sa pagganap ng aktor na si Baron Geisler at Kapuso star na si Bea Binene, sundan ang kuwento ng naging kapalaran ng noo’y kinse anyos na dalagita sa kamay ng suspek.

Huwag palampasin ang ekslusibong pagdakip ng mga awtoridad sa suspek kasama ang nag-iisang "Imbestigador"!