Kalaswaan sa isang sinehan, sosolusyunan ng 'Imbestigador'

IMBESTIGADOR
Airing Date: May 19, 2013
 
NOW SHOWING: “MEN FOR HIRE”  



Sa isang sinehan, sa halip na pelikula, may kakaibang palabas na nakunan ang aming kamera. Ang mga parokyano, bentahan ng laman pala ang dinarayo rito! Pugad umano ng mga kalalakihang nag-aalok ng panandaliang aliw ang sinehan. Nasa kamalayan ba ito ng may-ari ng sinehan at mga kinauukulan o baka sila’y nagbubulag-bulagan?

TUPADA NI KAGAWAD?

Taon na raw ang binibilang at patuloy pa ring namamayagpag ang isang tupadahan. Ang siste – ang promotor ng pasugalan, isang kagawad mismo ng barangay! Babagsak na kaya ang taas ng lipad ni Kagawad?

Huwag palampasin ang "Imbestigador" ngayong Linggo, 9:15 PM sa GMA-7, pagkatapos ng "Kapuso Mo, Jessica Soho."