Pasyalan na may kasamang adventure, binisita ng 'Good News!'

Published June 10, 2019 5:45pm

GOOD NEWS KASAMA SI VICKY MORALES

Airing date: June 10, 2019

Tanay para kay Tatay!

Dahil Father’s Day na, binisita ni Jay Arcilla ang mga pasyalan sa Tanay, Rizal na swak sa mga haligi ng tahanan. Siguradong mare-recharge ang masisipag na ama sa sariwang simoy ng hangin sa isang leisure camp na may rope challenges. Bukod sa exciting activities, puwede ring mag-chillax sa isang dragon fruit farm na pinagbibidahan ng organic food.

Food with a Twist!

Ang kinalakihan nating mga Pinoy street food, binigyan ng twist na magpapatakam sa inyo. Samahan si Maey B at ang kaniyang special foreign guest sa pagtikim ng Chicharong Bulaklak and Isaw Pizza, Special Lomi with Chicharon and Tokwa, at Kwek-Kwek Siomai! Ang mga pinasosyal na street food, maghahatid ng kakaibang linamnam at kabusugan sa inyo!

Avocado Magic!

Ang avocado, siksik sa sustansyang aprub sa mga bata. Ngayong pasukan, pakainin sila ng avocado recipes na malinamnam at swak sa kalusugan. Umpisahan natin sa nakatatakam na Garlic Cashew Avocado Pasta. Nakabubusog din ang perfect sa kanin na Chicken Avocado with Garlic Sauce. Para sa dessert, patok ang kakaibang Avocado Pastillas Dumplings.

Oplan: Sagip Shades!

Ang lumang sunglasses na may mga gasgas at hindi na maisuot, pwede pa ring gawing pamporma. Hindi man ito magagamit para sa mga mata, pwede itong gawing accessories gaya ng kuwintas at hikaw. Pati ang tahanan, pwede nitong pagandahin bilang photo frames!

Beyond Balat

Kilalanin si Joms, ang tatay na may skin condition na tinatawag na Psoriasis. Dahil sa pamumula at pangangaliskis ng kaniyang balat, nakararanas daw siya ng diskriminasyon--lalo na n'ung naghahanap pa siya ng trabaho. Ito ang naging hugot namin sa social experiment kung saan maghahanap ng mapapasukan ang kasabwat naming kunwaring may Psoriasis. May tatanggap kaya sa kaniya?

English Synopsis

Now that kids are going back to school, why not serve them avocado recipes that boost their nutrition? In honor of Father’s Day, Jay Arcilla visits places in nearby Tanay, Rizal perfect for the busy dad. Maey B and her special foreign guest treat their tastebuds to street food with a twist. Your old sunglasses get a new lease in life in DIY projects that are both affordable and easy to do. For our social experiment, our accomplice, who pretends to have Psoriasis, will apply for jobs. Will he be accepted?