OFW na kumapit sa patalim, mapapanood sa 'Tadhana'

TADHANA presents
PILIT NA PAG-IBIG
April 21, 2018
Sabado 3:15pm
GMA 7

Pakakasalan mo ba ang taong nanggahasa sa’yo?

Ginahasa si Aileen habang nakikipagsapalaran bilang trainer sa gym at hotel receptionist sa United Arab Emirates. Ang mas masaklap pa, nagbunga ang panggagahasa sa kanya. Sa ilalim ng batas ng UAE, pagkakakulong o deportasyon ang kaparusahan kapag nabuntis ang isang babaeng hindi kasal o walang asawa.

Sa kalagayan ng amang agarang nangangailangan ng operasyon sa puso, handang kumapit sa patalim si Aileen. Kaya pikitmata niyang tinanggap ang alok na kasal ng lalaking umabuso sa kanya.

Pero paano kung matuklasan niyang hindi pala siya ang nag-iisang asawa? At hindi rin pala siya ang pangalawa?

Ngayong Sabado, tunghayan si Rochelle Pangilinan sa kanyang muling pagganap sa Tadhana, kasama pa sina Eric Fructuoso at Lara Morena, sa isang kuwento ng pagmamahalang ipinilit. Huwag palagpasin ang #TadhanaPilitNaPagIbig sa Sabado 3:15pm pagkatapos ng Contessa sa GMA 7.