Kuwento ng paghihiganti ng isang babaeng niloko ng nobyo, tampok sa 'Karelasyon'

Karelasyon: Karma

June 20, 2015

Starring Aljur Abrenica, Kris Bernal and Dindi Gallardo

 

Mas bata, guwapo at ubod ng romantiko---ang akala ng separadang si Monique ay si Jericho na ang lalaking magmamahal sa kanya nang tunay.

 

Kaya naman nang alukin siya nito ng kasal ay hindi na siya nagdalawang-isip pa. Subalit ang dapat sanang masayang araw na ito sa buhay ni Monique ay magmimistulang isang bangungot pala.

 

Kaya’t sa lalim ng sakit na nadama ni Monique ay nais niyang paghigantihan si Jericho. Ano ang magiging papel ng anak ni Monique na si Ana sa masamang balak na ito? Anong karma ang naghihintay kay Jericho sa dami ng mga babaeng kanyang naloko?

 

Matutupad kaya ang lahat ng mga plano ni Monique?

 

Tunghayan ang mainit na kuwentong ito sa Karelasyon, tampok ang pagbabalik-tambalan nina Aljur Abrenica at Kris Bernal, kasama ang nagbabalik-showbiz na si Ms. Dindi Gallardo.

 

Sa panulat at direksyon ni Adolf Alix, Jr. at sa paglalahad ni Ms. Carla Abellana, abangan ang kuwentong ito ngayong Sabado, June 20, 2:30 pm, pagkatapos ng Eat Bulaga sa GMA.