Maki-sing along sa mga 'Himig ng Pasko' ngayong Disyembre, sa GMA-7!

Ngayong Disyembre, handog ng GMA ang isang masaya, makulay at kapana-panabik na Christmas musical special na mayroong puso at himig ng pasko ang kuwento!
 

Pinagbibidahan ng Asia’s Songbird, Ms. Regine Velasquez-Alcasid, multi-platinum singer and actress na si Julie Anne San Jose, at Ariel Rivera, tampok sa “Himig ng Pasko” ang kuwento ng isang O.F.W. na nagbalik-bayan upang tuparin ang kanyang hiling ngayong pasko --- ang mapalapit sa anak na nawalay sa kaniya, ang paningninging muli ang parol making business ng kanilang pamilya at ang maging happy sa piling ng tanging lalaking inibig niya.

 

Alamin sa storyang ito na mayroong pinaghalong comedy at drama, at puno ng kantahan, kung bakit ang kaka-retire lang na singer sa Japan na si Bel ay naging kontra sa pagkahilig sa musika ng anak niya sa pagkadalagang si Christiana, na sanhi para mapalayo ang loob nito sa kaniya. Musika rin kaya ang naging rason kung bakit napariwara noon si Bel at napilitang makipaghiwalay sa highschool sweetheart na si Joseph?

 

Tampok ang mga paborito nating kantang pamasko gaya ng “Kumukutikutitap”, “Noche Buena” , “Simbang Gabi” at “Himig ng Pasko” , mga modernong Christmas song tulad ng “Christmas Bonus”, “Sana Ngayong Pasko” at  “Pasko na, Sinta ko”, at ang orihinal na komposisyon na “Hiling," alamin sa musical drama special na ito kung paano maari maging instrumento ang musika para magbuklod ang isang pamilya, lalong lalo na tuwing  Pasko --- ang panahon kung kailan masarap magpatawad, magmahalan at magbigayan!