Bagong informative show na 'Dami Mong Alam, Kuya Kim,' abangan sa GMA

Ang Dami Mong Alam, Kuya Kim ay isang informative show kung saan itatampok ang ilan sa mga viral videos na napapanood ngayon online. Tatalakayin din ng host na si Kuya Kim Atienza ang ilang fun facts at information na makukuha mula sa videos.

Hindi rin magpapahuli ang mga manonood dahil kasama rin sila sa mga diskusyon. Babasahin ni Kuya Kim ang mga mensahe, opinyon, at tanong ng mga manonood tungkol sa napanood nilang video. Bukod dito, hihikayatin din ng programa ang mga manonood na magpadala ng kanilang videos para sa pagkakataon na makasama sa show!

Ang Dami Mong Alam, Kuya Kim ay ang bagong hamon sa karera ni Kuya Kim Atienza. Ito ay magsisilbing kapalit ng kanyang GTV program na Dapat Alam Mo na huling umere noong October 25, 2024.

Abangan ang latest infotainment show na 'Dami Mong Alam, Kuya Kim', soon on GMA.