Manila Hotel na piping saksi sa WWII, bibisitahin sa 'Brigada'

March 3, 2020
8 pm sa GMA News TV

MANILA HOTEL: PIPING SAKSI NG DIGMAAN

Tuwing ika-3 ng Marso ginugunita ang pagtatapos ng Battle for Manila, isa sa mga pinakadilim na kabanatang kinaharap ng lungsod noong Ikalawang Digmaang Pandaigdig. Bukod sa pagkamatay ng daang libong mga sibilyan, nawasak din ang maraming mahahalagang gusali’t istruktura sa gitna ng bakbakan. Isa na rito ang Manila Hotel na naging piping saksi sa marahas na labanan. Matapos kasing magsilbi bilang pansamantalang tahanan ni Heneral Douglas MacArthur na nagsilbi noong military advisor ni dating Pangulong Manuel Quezon, napuruhan ang gusaling ito nang kubkubin ng mga sundalong Hapones. Makalipas ang mahigit pitong dekada, ipinasilip kay Mav Gonzales ang mga isinagawang pagpapanumbalik sa dating ganda ng makasaysayang gusali.

ESPORTS

Bachelor of Science in Esports? Hindi na imposible ang pagkamit sa diplomang ito kung sakaling matuloy na ang pormal na paglulunsad ng kursong ito sa pakikipagtulungan ng Lyceum of the Philippines University at esports and gaming agency na Tier One Entertainment. Layon nitong mas paunlarin pa ang umuusbong na industriya ng esports sa bansa kasunod ng kabi-kabilang tagumpay ng mga koponan ng mobile at online games sa iba’t ibang patimpalak sa buong mundo, partikular na ang katatapos lang na SEA games. Inalam ni Chino Gaston ang mga naghihintay na oportunidad para sa mga nag-aasam maging life goal ang pagging professional esports gamers.

Samahan ang premyadong mamamahayag at laking-Brigada Siete na si Kara David sa pagtutok sa mga bagong kwento't bagong karanasan at sa patuloy na pagbabantay sa mga isyu ng bayan kasama ang bagong henerasyon ng mga mamamahayag ngayong Martes, alas-otso ng gabi sa iisang Brigada.

***

MANILA HOTEL: PIPING SAKSI NG DIGMAAN

March 3 marks the end of the Battle of Manila, one of the darkest chapters in Philippine history during World War II. Over a hundred thousand civilians were massacred, the city reduced to rubble.  One of Asia’s grandest hotels, Manila Hotel, stood witness to the horrifying tragedies of war. Before Japanese troops occupied the hotel, it served as General Douglas MacArthur’s temporary home. The hotel also suffered major damage during the Battle of Manila. Mav Gonzales revisits history in her report.

ESPORTS

Bachelor of Science in Esports? Lyceum of the Philippines University and esports and gaming agency Tier One Entertainment plans to formally launch this course. It aims to further develop the budding esports industry following our country’s wins in various mobile and online game tournaments, including the recently concluded SEA Games. Chino Gaston explores the potential opportunities waiting for those aiming to be professional esports gamers.

Join award-winning and homegrown Brigada Siete journalist Kara David as she shares new stories, new perspectives, and the latest issues together with the new generation of reporters this Tuesday, 8:00 PM in Brigada.