Team building destinations at organic farms sa Antipolo, bida sa 'Biyahe ni Drew!'

Sa Philip’s Sanctuary na isang eco-adventure mountain resort, may nature villas kung saan puwedeng mag-relax. Pero si Drew at ang Team BND, obstacle courses ang aatupagin.

Sikat ang Antipolo dahil sa mga bar at restaurant. At isa riyan ang klasik na Cloud 9 na naghahain din ng classic Filipino comfort food tulad ng inihaw na baboy, manok, at tuna belly, pati na ang crispy pata at kare-kare. Pero bukod sa pagkain, ang binabalik-balikan din sa resto na ito ay ang view lalo na sa gabi.

Hindi rin palalampasin ni Drew ang Antipolo trip nang hindi dumadaan sa Our Lady of Peace and Good Voyage Church na dinarayo ng mga debotong Katoliko, lalo na ang mga gustong magpa-bendisyon ng kanilang mga sasakyan.  At bago pa matapos ang kanilang biyahe, isang organic farm ang bibisitahin ni Drew kung saan hindi lang puwedeng kumain pero puwedeng-puwede ring magtanim!