Mga away sa kalsada dahil sa kalasingan, tututukan ng 'Alisto'

Nagsimula sa kasiyahan na nauwi sa kamatayan. Sa isang CCTV video na nakalap ng Alisto, caught on camera ang  suntukan ng isang grupo ng mga lalaking lasing.  Kantiyawan lang daw noong una hanggang nagkapikunan at nauwi sa rambol. Ang isa sa mga suspek ay walang habas na nanaksak gamit ang tari, isang matalim na bagay na ginagamit sa panabong ng manok. Sa lalim ng saksak, tinamaan ang atay at baga ng biktima na naging sanhi ng kanyang pagkamatay.

Ngayong Disyembre  kaliwa't kanan na naman ang mga party, reunion at iba pang pagtitipon,  paano nga ba maiiwasan ang karahasan at gulo?
At dahil Pasko, dapat daw magbigayan… maging sa daan. Pero hindi ito ang nangyari sa isang aksidente kung saan  isang pampasaherong jeep ang bumangga sa isang motorsiklong may sakay na mag-asawa. Nahulog ang sakay ng motorsiklo matapos  maipit ang motor sa pagitan ng jeep at isang kotse!
Abangan ang lahat ng aksyon sa Alisto. Mapapanood na ngayong Martes, kasama si Igan Arnold Clavio, pagkatapos ng Saksi sa GMA. Huwag maging biktima, maging Alisto!