JC Tiuseco, haharapin ang mga hamon ng 'Alisto'

 

ALISTO CELEBRITY CHALLENGE: JC TIUSECO

 

 

Kunwari’y mang-aakbay at magpapanggap na kakilala... holdaper pala! Ang ilang pekeng tanod naman, kunwari’y manghuhuli pero ang pakay lang ay makapangikil ng pera. Ilan lang yan sa mga modus ng mga kawatan na nagaganap sa University Belt at sa iba pang lugar na malapit sa paaralan.

Ang Kapuso hunk na si JC Tiuseco... sasabak sa U-belt challenge. Maging Alisto kaya siya o magpadala sa mga gimik ng mga kawatang ito?

AGENT A: U-TURN SLOT

 

 

Masikip na daloy ng trapiko ang binubuno ng mga motoristang dumaraan sa Marcos Highway. Isa sa mga itinuturong problema—ang hindi tamang paggamit ng mga U-turn slot kung saan ang ilang motoristang matitigas ang ulo, halos sakupin na ang buong lane na nagdudulot ng traffic!

Si Agent A... sumugod na para alamin ang problema. Ilan kaya ang masisita at mapai-isyuhan ng tiket ng pambansang sumbungera?

Maging ALISTO!  Kasama si Igan, Arnold Clavio.  Lunes, November 30, 2015, 5:20 ng hapon sa GMA!