Gaano ba ka-'Alisto' ang Pambansang Bae?

 

Lunes, September 14, 2015

SA BAGO NITONG ORAS, 5:20 ng hapon

 

ALISTO SI ALDEN
 

 

Pambansang Bae, Pambansang Dimples at ang tinitiliang leading man ni Yaya Dub—walang dudang si Alden Richards na nga ang isa sa pinakasikat na Kapuso actor ngayon.

 

Sa isang one-on-one interview ni Igan, Arnold Clavio para sa Alisto, ibabahagi ni Alden ang ilang peligrong hinarap niya sa totoong buhay. Tulad na lang nang minsang mabangga ng tricycle ang kaniyang sasakyan at nang may mabangga siyang motosiklo na lulan ang isang lalaki at ang anak nito.

 

Anu-anong mga aral kaya ang iniwan sa kanya ng mga naranasang aksidente?

 

Samantala sa sikat na kalyeserye ng Eat Bulaga, tila walang humpay ang pagbibigay ng matinding pagsubok sa kanya ni Lola Nidora. Kaya naman ang Alisto, hinamon din ang batang aktor. Kasama ang isang self defense expert, magawa niya kaya ang mga “da moves” at techniques para maipagtanggol si Yaya Dub mula sa masasamang loob?
 

 

Sa susunod na linggo, abangan naman kung ano ang mga natutunan ni Alden sakaling maipit siya sa makapal na bilang ng tao.

 

Hindi ka biktima! Maging ALISTO!

 

Kasama si Igan, Arnold Clavio. Lunes, September 14, 2015, 5:20 ng hapon sa GMA!