Pagbebenta ng sigarilyo at alak sa mga menor de edad, ilalantad ng 'Alisto'

Lunes, July 13, 2015… 4:50 ng hapon
 
BATA AT BISYO





Ipinagbabawal ng batas ang pagbebenta ng sigarilyo at alak sa mga menor de edad. Mahigpit din itong ipinagbabawal ng Department of Education o DepEd. Pero nasusunod nga ba ang mga alituntuning ito?
 
Sa pag-aaral na isinagawa ng isang NGO sa walong public highschool sa Quezon City, lumabas na 435 na estudyante na may edad 13-16 ang nagyoyosi at umiinom ng alak.
 
Kasama ang Kapuso Teenstar na si Bea Binene na mag-iiba ng porma at hitsura... ilalantad ng ALISTO ang mga pasaway na tindero at tindera!
 
Anong aksyon ang gagawin ng mga kinauukulan para matigil ang ganitong ilegal na gawain?
 
HOLDAPERS SA FOOTBRIDGE
 
Kamakailan lang nabahala ang marami sa marahas na panghoholdap sa ilang dumadaan sa footbridge sa Caloocan City. Ang isang grupo ng mga holdaper... biglang susunggaban ang biktima... sasakalin saka  tututukan ng patalim sa leeg.
 
Ginawa ang mga footbridge para sa mas ligtas na pagtawid pero bakit nga ba tila ginagawa itong pugad ng ilang kawatan?
 
Hindi ka biktima… Maging ALISTO!
 
Kasama si Igan, Arnold Clavio.  Lunes, July 13, 2015, 4:50 ng hapon sa GMA!