Roy Vinzon, to the rescue sa mga kaibigan sa Saudi

ALISTO!
Lunes, June 8, 2015… 4:35 ng hapon
 
ROI VINZON: TO THE RESCUE
 


Kontrabida man sa telebisyon at pelikula... sa totoong buhay, may pusong matulungin ang aktor na si Roi Vinzon.
 
Nakipagsapalaran si Roi sa bansang Saudi Arabia pagkatapos ng kolehiyo. Bisperas ng pasko, ipinahiram niya ang minamanehong pick up sa ilang kasamahan para makapagdiwang sana ng pasko kasama ang kanilang mga kaibigan. Pero ang sana’y masayang salu-salo, nauwi sa trahedya.
 
Isang dump truck ang umararo sa sinasakyan ng mga kasamahan ni Roi. Sa lakas ng impact, nahati ang pick up. Lima ang patay habang isa ang sugatan. Nang makatanggap ng tawag si Roi sa sinapit ng mga kaibigan, hindi siya nag-atubiling sumaklolo.
 
Ano ang gagawin mo sakaling makasaksi ng ganito kalalang peligro?
 
BUNDOL-BUNDOL GANG!
 

 
Nakasagasa ka nga ba o may sadyang nagpasagasa?
 
Noon pa man ay nauso na ang modus kung saan sadyang magpapasagasa ang isang tao para makapang-huthot ng pera mula sa driver. Ganito ang nasapul ng CCTV camera sa Quiapo Maynila at ayon sa barangay na nakasasakop sa lugar, ikatlong insidente na ito ng bundol bundol at ang karaniwang biktima, mga maykayang hindi tinted ang sasakyan.
 
Sa Caloocan naman, isang biktima ang hindi tao ang nabundol “kuno” kundi motorsiklo. Habang minamaneho ang kanyang SUV, bigla umanong tumigil ang isang motorsiklo sa kanyang harapan saka siya kinatok at sinabing nabangga niya raw ang likuran ng motorsiklo. Sinuportahan ito mga naki-usyoso at sa huli, napilitang maglabas ng pera ang biktima.
 
Alamin ang bagong paandar ng Bundol Bundol gang para hindi mabiktima!
 
Maging Alisto! Kasama si Igan, Arnold Clavio.  Lunes, June 8, 2015, 4:35 ng hapon sa GMA!