Bubble Gum Gang at Ipit Gang sa 'Alisto!'

"Alisto!"
Parking Modus, Lunod, Bubble Gum Gang at Ipit Gang
Martes, April 8, 2014
11:30 PM, GMA-7
 
Parking Modus



Kamakailan lang, isang amateur video ang naging viral sa social media. Kuha ito sa loob ng isang kotseng minamaneho ng isang valet parking driver sa isang hotel. Kitang kita sa video kung paano nagmanman ang driver sa loob ng sasakyan na tila ba tinitiktikan ang mga gamit sa loob nito. Maya-maya pa, naging mas mapangahas ang driver at nagsuksok ng ilang bagay sa kanyang bulsa. Pilit din niyang inabot at pinakialaman maging ang mga gamit sa likod ng kotse. Ang hindi niya alam, may dashboard camera ang sasakyan at wala siyang kawala sa pagkakahuli-cam!

Ano nga ba ang mga dapat tandaan para hindi mabiktima ng mga modus sa pagpa-park ng sasakyan?
 
Lunod!

Ngayong summer at dadagsa na naman ang marami sa mga resort at beach, maging "Alisto!" Dahil sa ilang amateur video, kitang-kita kung paano sinagip ang ilang naging biktima ng pagkalunod. Tulad na lang ng magkaibigang Euee John at Mark na nagkayayaang mag-outing sa bahagi ng Wawa sa Montalban, Rizal. Ginawa man ang lahat para sila ay ma-rescue, huli na ang lahat para sa magkaibigang kapwa nasawi sa insidente.

Paano nga ba mas magiging ligtas ang mga ganitong bakasyon?
 
"Bubble Gum" Gang at Ipit Gang



Sa mga bibiyahe naman sa mga pampublikong sasakyan ngayong Holy week, maging "Alisto" sa mga nakakasabay niyong pasahero. Ang ilan sa kanila, nagpapanggap lang at miyembro pala ng “Bubble Gum” Gang! Ang kanilang modus, kunwari’y madidikitan ka ng bubble gum sa iyong buhok at aalukin ka pa ng tulong ng iba nilang kasamahan. Pero habang abala ka, doon na sila sasalisi para pagnakawan ka. Ang “ipit” gang naman sa bus, makikipagsiksikan at makikipag-unahan sa iyo sa pagsakay o pagbaba para maka-diskarte ng pagnanakaw.

Maging "Alisto!" kasama si Igan, Arnold Clavio. Tuwing Martes ng gabi pagkatapos ng Saksi!