Tangkang pagpapakamatay sa matataas na lugar, caught on cam sa 'Alisto'

Alisto
Tangkang pagpapakamatay sa matataas na lugar, Top 10 pinakamapaminsalang aksidente sa Malabon at Buhay lineman
February 6, 2014
11:30 PM, GMA-7
 

Nagsimula sa matinding depresyon hanggang sa humantong sa pag-akyat sa matataas na lugar gaya ng poste at Billboard. Ganito ang totoong eksenang alistong nakuhanan ng ilang youscooper. Nito lang nakaraang buwan, isang bente otso anyos na lalaki ang walang takot na umakyat sa bubong ng LRT UN Ave. Station dahil pakiramdam umano niya’y may humahabol sa kanya. Sa isang hiwalay na insidente, isang binata ang umakyat sa poste ng kuryente dahil umano sa pagkabigo sa pag-ibig. Paano nga ba sila maililigtas mula sa tuktok ng peligro?
 

Samantala, bubusisiin ng "Alisto" ang Top 10 sa pinakamapaminsalang aksidente sa Malabon City. Ilan lang dito ay ang salpukan ng isang bisikleta at motorsiklo at isang bisikletang sa SUV naman bumangga. Paano sana naiwasan ang mga aksidenteng ito at paano nga ba mas maging alisto para iwas disgrasya?
 

Sa "Alisto Ako", Kilalanin ang isang lineman na personal na ikukuwento kung paano siya nagiging alisto sa kanyang peligrosong hanapbuhay.
 

Maging "Alisto!" Kasama si Igan, Arnold Clavio. Huwebes ng gabi pagkatapos ng Saksi!