Mga bago at patok na online app, tampok sa 'AHA!'

AHA!
Linggo, April  10
8:15 AM sa GMA-7

Para kina Miguel Tanfelix at Bianca Umali, enjoy gamitin ang social media apps na patok ngayon! Pero paano nga ba ginawa ang mga nakaka-aliw na apps na ito na kinahuhumalingan ding laruin at butingtingin ng maraming ka-AHA sa kanilang cellphones?

Tila kabayo na may pahabang sungay sa noo— kilalanin pa natin ang mythical creature na ito na kung tawagin ay unicorn. At alamin din ang katotohanan sa likod ng kumakalat na balitang maaaring totoo raw at hindi kathang-isip lamang ang unicorn? Samahan natin si Ka-Ahang Maey B. para alamin ito ngayong Linggo.

At kilalanin ang mga Ka-AHA nating pagong sa Palawan.  Kasama ang Youtube sensation na si Wil Dasovich, saksihan natin ang daan-daang maliliit na pagong na pakakawalan na patungo sa kanilang natural habitat sa Turtle Bay.

Samu’t saring saya at kaalaman sa AHA! Kasama si Drew Arellano, ngayong Linggo, 8:15 AM  sa GMA.