Kilalanin ang paborito ninyong DC Comics superheroes sa 'AHA!'

AHA2015

Linggo, April 26

9 AM sa GMA-7

 

Noong nakaraang Linggo, nagtipon-tipon ang mga cosplayers para mag-set ng bagong Guinness World Record para sa pinakamaraming taong sabay-sabay na naka-costume ng DC superheroes. Na-break kaya nila ang lumang record? Mas kilalanin pa ang paborito ninyo super hero characters kasama ang bagong bida na si "Doorknob" a.k.a. Maey B.!



Marunong ba kayong sumipol? Eh mag-beatbox? Alam n’yo bang may science din daw kung paano nakakalikha ang ating bibig ng mga pambihirang tunog na ito?

 

Nauuso ngayon ang mga 3D art museum na nagtatampok ng iba’t ibang 3D artworks at optical illusion na gumugulo at lumilito sa ating mga mata. Pero, ano nga ba ang optical illusion? Paano nito nadadaya ang ating paningin?

 

Bisitahin din natin ang isang kakaibang bakery at café at alamin kung paano nga ba bine-bake ang mga Korean-style at French-inspired cakes, bread and pastries.  Makikipagkulitan si Kapusong Krystal Reyes  kasama ang kanyang kaibigang wolf habang inaalam nila ang siyensya sa likod ng paggawa ng cutie cakes na ito!

 

Samu’t saring saya at kaalaman kasama si ka-AHAng Drew Arellano, ngayong Linggo, 9am sa GMA.