Tuklasin ang kalawakan ngayong Linggo, September 15, sa 'AHA!'

Mula nang marating ng tao ang buwan, higit pang tumindi ang kagustuhan nating mga tao na
tuklasin at alamin ang mga misteryo ng kalawakan. Ano nga ba ang nasa dako pa roon at hanggang saan ang kayang puntahan nating mga tao? Dadalhin tayo ni Drew Arellano kasama sina Bedick at Ever sa labas ng ating planeta para alamin kung paano nga ba ang buhay ng isang astronaut. Paano sila kumakain, natutulog, naliligo, at iba pa habang sila ay nasa zero-gravity na kapaligiran?


Panahon na rin para sa isang Pinoy astronaut! Magsasanay na ang dalawang Pilipino sa Amerika para sa buhay sa outerspace, at isa sa kanila ang magiging kauna-unahang Pinoy sa kalawakan! Ano naman kaya itong mission to Mars at sandamukal na Pinoy raw ang nag-apply, kahit pa one-way trip lang ito o wala nang balikan?

 
Bakit nga ba lahat ng ating ihagis ay bumabagsak sa lupa? Si ka-AHAng Max Collins, iimbestigahan ang misteryo ng gravity. Alamin din kung paano ‘lumulutang’ at tila kontra-gravity ang ilang bagay.
 
Space exploration tayo ngayong Linggo sa AHA, 9:00 AM, sa GMA.