Pasukin ang mundo ng mga ahas sa 'AHA'

Love them or hate them. 
 
Noon at ngayon ay laman na ng kuwento sa mga alamat, epiko, komiks, telebisyon, at pelikula ang iba’t ibang karakter ng ahas na ang karaniwang depiksyon ay masama, traydor, o mapanganib.  Nangunguna na riyan ang ahas sa paraiso ni Eba at Adan.  Aalamin ni Drew Arellano kung anu-ano ang mga katangian ng ahas, at bakit sila kinatatakutan at kinamamanghaan?  Siyempre makikipagkulitan sina Bedick at Ever na feel na feel maging mga Boy Ahas! 



Kilalanin ni Boobay ang babaeng ’nakikipag-usap’ daw sa Philippine Cobra!  Kung si Harry Potter ay isang ‘parselmouth’ na diumano’y kayang kumausap sa mga ahas, sa totoong buhay ay meron ding snake charmers, o mga taong may kakayahang makipag-communicate sa mga ahas.  Paano kaya nila ginagawa ito?
 
Samahan din si Mara Lopez na silipin ang isang natatanging musical production na ‘Ibalong’mula sa Bicolano epic na tampok ang isang ahas na tauhan na si Oriol.  Mapapanganga kayo sa aha-mazing make-up at costumes na nilikha ni Leeroy New!


Kay Susan tayo mga ka-AHA!  Mapalutang kaya ni Susan Enriquez ang plato sa ere sa hamon ng ‘AHA-stig!’?  Ihahatid ni Drew Arellano ang isa na namang episode ng AHA! na siksik sa saya at kaalaman ngayong Linggo, 9am sa GMA!