Umpisahan ang Year of the Water Snake kasama ang mga AHAs sa AHA!

AHAss! Airing date: January 13, 2013 Year of the Water Snake ngayong 2013, ayon sa astrological calendar ng mga Tsino.  kaya naman ngayong Linggo, aalamin ni Drew Arellano kasama ang mga Ka-AHAng sina Rocco Nacino, Alden Richards, at Louise Delos Reyes hindi lamang ang sinasabing hatid na suwerte at malas nito,  kikilalanin din nang husto itong ahas na kinatatakutan ng marami! Saan nga ba nagmula ang takot at pagkamuhi ng maraming tao sa ahas?  Maaaring bunga ito ng kwento ni Adan at Eba sa Bibliya, kung saan ang ahas ay ang mismong demonyo.   Pero may ilan naman na naniniwala sa kakaibang kapangyarihan daw ng mga ahas kaya dapat daw itong sambahin. Snake hunting ang misyon ni Rocco kasama ang herpetologist na si Matt Yuyek.  Anu-anong uri ng mga ahas kaya ang matatagpuan nila?  Paano nga ba makikilala ang makamandag na ahas sa hindi,  at ano ang dapat gawin sakaling matuklaw na?  Alamin ang aming Iwas-Kamandag tips! Di rin umatras ang ‘pambansang dimples’ na si Alden Richards na maka-up close and personal ang mga ahas at masaksihan nang malapitan kung paano ito kumakain. Paano nga ba nagagawa ng ahas na lamunin nang buo ang nabiktima nitong hayop?   Siyempre gusto niyong malaman kung masuwerte ba kayo ngayong Year of the Water Snake.  Kung hindi naman, alamin ang mga pangontra raw sa malas!  Samahan si Louise delos Reyes sa kanyang paghahanap ng suwerte sa ngalan ng Feng Shui.   Usapang ahas tayo sa AHA! ngayong Linggo, 9:15 ng umaga, sa GMA.