Love story ni 'Juan for All, All for Juan' winner na si Juanito, tampok sa 'Wagas'

Published May 26, 2016 3:51pm

AIRING: MAY 28, 2016

Mula sa sikat na “Juan For All, All for Juan” Segment ng Eat Bulaga ang kwela at nakakaaliw na love story nina Juanito at Nenita ngayong Sabado sa WAGAS na gagampanan ng komedyanteng si Empoy at Kapuso Leading Lady na si Max Collins. Hindi lang maswerteng naiuwi ni Juanito ang Jackpot Prize sa Eat Bulaga, pang-habangbuhay niya ring naiuwi ang Wagas na Pag-ibig ng kanyang asawa!

Hindi man kagwapuhan, simpatiko at masayahing binata si Juanito na ang simpleng pangarap ay makahanap ng babaeng mamahalin. Textmates lang sila noong una pero nang maka- eyeball ni Juanito si Nenita---tila pinana ni Kupido ang puso niya!

Kahit madalas na sabit sa budget, nadadaan ni Juanito sa kanyang ‘sense of humor’ si Nenita. Sa unang date pa lang nila, naglakad pauwi ang dalawa dahil ang kasya lang sa budget ni Juanito ay sine at walang kasamang popcorn. Para mabuhay, nangangalakal sila ng basura. Pero sa kabila ng mga hamon sa buhay, masayang nagsasama ang mag- asawa.

Laking gulat nila ng dumating ang isang malaking oportunidad na babago sa kanilang buhay --- nang tawagan sila ni Bossing sa Eat Bulaga at manalo sa “ Juan for All, All for Juan”! Ang pagkakataong ito ang lalo pang dadagdag sa kanilang pag-iibigang masaya at wagas.

Abangan sa kauna-unahang pagkakataon ang kwelang pagganap ng komedyanteng si Empoy kasama ang isa sa pinakamagandang Kapuso leading lady na si Max Collins ngayong Sabado May 28, 2016 sa WAGAS 7PM sa GMANEWSTV !

Tags: pr