Mga karakter na ginampanan ni Alden Richards, tampok sa 'Wagas'

Published December 21, 2015 7:04pm

Ngayong Pasko, si ”Pambansang Baae” ang regalo namin sa inyo. Tampok sa Wagas ang apat na iba’t ibang totoong kwento ng pag-ibig na pinagbibidahan ni Alden Richards.

Part 1 : SI ALDEN AY ANG DATU

Gaganap si Alden bilang si Datu Ambiong, isang muslim na magkakaroon ng ilang babaeng kanyang mamahalin, kabilang sina Louise delos Reyes at Barbie Forteza. Sino kaya sa kanila ang kanyang Wagas na pag-ibig ?

Part 2: SI ALDEN AT ANG CANCER

Campus heartthrob si Alden bilang Tom. Student leader naman si Andrea Torres bilang Jezza. Tila “a match made in heaven” ang college sweethearts na ito! Pero mapaninindigan kaya ni Tom ang pangako niyang “walang iwanan” kapag natuklasan niyang matagal nang may malubhang sakit si Jezza?

PART 3: SI ALDEN AT SI FLORA

Sikat na news anchor si Alden bilang si Harry Gasser. Artista naman si Angeli Bayani bilang si Flora. Subalit maraming problema ang susubok sa kanilang relasyon. Dahil ang gwapo’t popular na si Harry, sadyang naging lapitin ng tukso! At si Flora na madalas daw noong mapagkamalang nanay o yaya niya. Ano pa kaya ang mga pagdadaanan ng dalawa bago marating ang happy ending nila?

PART 4: SI ALDEN AT SI TEACHER

Normal lang sa mga mag-aaral na magkaroon ng “crush” sa kanilang titser subalit higit pa sa paghanga ang nadama ng third year transferee student na si Arnel Secerio sa History teacher niyang si Lolet Carangga. Na-inlove siya rito at itinuring na inspirasyon para maging mas mahusay pang estudyante.

Si Jennylyn Mercado ang guro. At si Alden ang estudyante na handang maghintay ng tamang panahon para maisakatuparan ang kanyang pinapangarap na pag-ibig na Wagas.

Ngayong December 26 na ang tamang panahon para balikan ang mga hindi malilimutang kwento ng pag-ibig at pagganap ng Pambansang Bae na si Alden Richards. Sabado, 7pm sa GMA News TV.

Tags: plug, pr, prstory, wagas