Sa Hirap at Ginhawa: The Ed and Cora Lazo Story

SA HIRAP AT GINHAWA
The Ed and Cora Lazo Love Story
Starring Sid Lucero and Assunta de Rossi

Lumaki sa hirap ngunit matayog kung mangarap ang ordinaryong manggagawa na si Ed. Noon pa ay pangarap niya nang magkaroon ng malaking bahay at maginhawang pamumuhay.
 
Pati sa pag-ibig ay hindi basta-basta kung pumili si Ed, dahil nang ma-love at first sight siya sa dentistang si Cora ay hindi na niya ito tinantanan.


 
Lahat ng klase ng pagsusuyo ay kanyang ginawa kasama na ang madalas na pagpapanggap na masakit ang kanyang ngipin para lamang makapiling si Cora.
 
Dahil sa pagtitiyaga at pagpupursigi ni Ed ay nasungkit din nya ang puso ni Cora, na bagama’t may kaya sa buhay ay simple at napaka-mapagpakumbabang tao. Magkaiba man ang kanilang antas sa pamumuhay ay humantong din ang relasyon nila sa kasalan.
 
Subalit kalaunan, si Cora pala ang magkakaron ng mas mabigat na pasanin sa buhay. At dito patutunayan ni Ed na ang pagmamahal niya kay Cora ay wagas, at laging nariyan para kay Cora, sa hirap man o ginhawa.


Tampok ang mahuhusay na artistang sina Sid Lucero at Alessandra De Rossi, abangan ang isa na namang kwento ng pag-ibig na Wagas ngayong Sabado, 7pm sa GMA News TV.