Bida ng 'The Half Sisters' na sina Barbie Forteza at Thea Tolentino, mapapasabak sa 'TWAC'

ANG “HALF SISTERS” AT ISANG WORLD CLASS PERFORMER
JULY 29, 2015, WEDNESDAY, 10:15-11PM, GMA NEWS TV

Kambal man silang maituturing, magkaiba naman ang kanilang ama. Dito nag-uugat ang masalimuot na kuwento ng buhay nina Ashley at Diana. Ang isa’y mapanghusga, mapang-api at mapaghinala habang ang isa nama’y mabait, madaling magtiwala at mapagkumbaba!

Ang kanilang kakaibang sitwasyon at ang tila walang-tigil na pagsabak sa iba’t ibang mga pagsubok, araw-araw mapapanood sa highest rating na Kapuso afternoon soap opera na "The Half Sisters!" At sa kauna-unahang pagkakataon, bibisita sa Tonight with Arnold Clavio ang mga bida ng programa na ito na sina Barbie Forteza at Thea Tolentino!



Kung gaano kabait at kaamo si Diana, ganoon din kaya si Barbie sa totoong buhay? O may tinatago rin siyang “kalog side”? Baka makikita na natin ito dahil sa munting sorpresang inihanda ni Igan para sa nalalapit niyang kaarawan.

Si Ashley naman na kinamumuhian ng marami, siguradong kabaliktaran ng tunay na pagkatao ni Thea. Iyan ang makukumpirma ni Igan sa kanilang kuwentuhan tungkol sa pamilya, love life at personal na buhay ng dalawa! Magpapasiklab din sina Thea at Barbie sa pagpapatawa – kaya’t tutok na!



But wait, there’s more! Makakasama rin natin ngayong Miyerkules ang world class singer na si Ima Castro. Maaalalang tulad ni Ms. Lea Salonga ay gumanap din siyang Kim sa Broadway musical na "Miss Saigon." Abangan ang espesyal na pagkantang ihahandog niya sa TWAC!

Makilahok sa masayang kwentuhan! I-follow ang TWAC sa twitter: @TWACofficial at gamitin ang hashtag na #TWAC! At para malaman ang mga pangyayari behind the scenes, i-like ang aming facebook: www.facebook.com/tonightwitharnoldclavio.