Kapuso Child Wonders: Jillian Ward at Barbara Miguel

Kapuso Child Wonders: Jillian Ward at Barbara Miguel

Airing Date: October 15, 2013

 

Ngiti at kaway pa lang niya noon, pinagkakaguluhan na ng kanyang mga tagahanga!

 

Ang cute at bibong child star na si Jillian Ward, pinasaya at pinatawa ang libu-libong manonood sa kanyang mga programa noong "Trudis Liit" at "Daldalita."

 

Muli niyang patutunayang isa siyang child wonder hindi lamang sa pag-arte, kundi pati na rin sa kanyang galing sa pagbirit! Sa kanyang pagdalo sa Tonight with Arnold Clavio, nagpaunlak ng mga awitin si Jillian at walang kahirap-hirap niyang naabot ang matataas na nota sa mga kanta gaya ng “And I’m Telling You” na madalas i-perform sa mga singing contest.

 

Kasama rin ni Jillian ang isang “diamond in the rough” kung maituturing… Ang walang kasing galing sa pag-arte at child wonder din na si Barbara Miguel!
 

 

Best Actress lang naman sa nagdaang Harlem International Film Festival sa New York ang napanalunan ni Barbara! Siya nga raw ang pinakabatang nagawaran ng naturang award, para sa kanyang pagganap sa “Nuebe,” isang istorya ng batang nabuntis ng sariling amain sa murang edad.

 

Magpapakitang-gilas sa pag-arte si Barbara sa ilang natatanging eksena mula sa pelikulang "Nwebe" at sasabak din sa acting challenge kasama mismo sina Jillian at si igan Arnold Clavio!

 

Mapupuno ng tawanan, kantahan at iyakan ang inyong Martes kasama ang mga Kapuso Child Wonders!