Tonight with Arnold Clavio: That's My Boy finalists

THAT'S MY BOY
TONIGHT WITH ARNOLD CLAVIO
Airing date: May 1, 2013



Ngayong Labor Day, makigugulo sa set ng Tonight with Arnold Clavio ang napaka-cute at napakabibong mga batang lalaking contestant ng That’s My Boy, ang talent at personality competition ng longest-running noontime show na Eat Bulaga!


Ilang araw bago ang grand finals ng naturang contest, kikilalanin ni igan Arnold Clavio ang bawat isang finalist. Sino kaya sa kanila ang susunod sa yapak ng mga batang sumikat ng dahil sa Eat Bulaga?


Tinanong din ni Igan ang mga contestant na nasa edad tatlo hanggang walo tungkol sa ilang mga ordinaryong bagay, gaya ng sagot sa tanong na: Saan kaya pumupunta ang araw kapag gabi?
 
At mula sa declamation at pagtula hanggang sa pagkanta at pagsayaw, nagpakitang-gilas din ang bawat contestant. Malalaman na kung sino sa kanila ang “Batang Bee-Gees,” “Kiddie Atlas,” at kung anu-ano pang kahanga-hangang talento!
 
Isang gabing puno ng kulitan at tawanan ang hatid ng Tonight with Arnold Clavio, 10:30pm sa GMA News TV!