Johnny Abarrientos at Dondon Hontiveros, tampok sa 'Sports Pilipinas'

Tatlong mukha ng basketball ang haharapin ng Sports Pilipinas ngayong Linggo, sa pangunguna ng basketball legend at premyadong point guard ng PBA – The Flying A – Johnny Abarrientos.

Sariwain ang makulay na buhay basketball ni Johnny A, bilang bahagi ng championship UAAP team na FEU Tamaraws,  hanggang sa pagkapanalo ng 12 PBA Championships at pagkamit ng Most Valuable Player award, at pagkaretiro, bilang isang assistant coach na gumagabay sa bagong henerasyon ng basketball superstars.

Makakasama din ni Isabel Oli ang Cebuano Hotshot na si Dondon Hontiveros.

Kilalanin din isa sa mga bigating prospect para sa darating na UAAP season -- ang 6’7 Cameroonian big man na si Ben Mbala.