Bagong food parks in the metro, susubukan sa 'Pop Talk'

Patuloy ang pagsulpot ng iba’t ibang ‘FOOD PARKS’ na karaniwan ay compound, lumang gusali o enclosed area na may sari-saring food stalls para sa iba’t ibang panlasa. Samahan n’yo ang ‘Pop Talk’ na sampolan ang tatlong FOOD PARKS na may special themes pa. Alin kaya sa mga ito ang pop o flop?

Isasalang sa rebyu ang: THE TRUCK PARK, ang GRUB HUB, at ang CARNIVAL FOOD PARK.  Makakasama ng host na si Tonipet Gaba bilang expert reviewer ang ‘Food Hero Asia 2016’ Grand Winner na si Chef Anton Amoncio, ang celebrity reviewer na balik-‘Pop Talk’ na si Boobay Valbuena, at ang masugid na ‘Pop Talk’ fan na si Gail Macapagal.

“Pop Talk: Food Parks” ngayong Sabado, Feb. 25, 8:00 pm, sa GMA News TV.