Huling pag-arangkada ng 'Motorcycle Diaries,' ngayong Huwebes sa GMA News TV! 

Sa loob ng anim na taon, maraming napuntahan si Jay Taruc sakay ng motorsiklo. Dinayo ng Motorcycle Diaries ang iba’t ibang lugar sa loob at labas ng Pilipinas para makapaghatid ng mga natatanging kuwento.

Ngayong huwebes, samahin niyo kaming balikan ang mga hindi malilimutang paglalakbay ng programa.

Mula Pilipinas,Timog Silangang Asya hanggang sa Europa, samahan si Jay Taruc at ang mga tao sa likod ng programa na balikan ang kuwento ng mga taong aming nakilala na nagbigay ng inspirasyon at pag-asa. Muli ring tunghayan ang mga istoryang pumukaw sa ating kamalayan at tumatak sa ating isipan.

Huwag bibitiw sa huling pag-arangkada ng New York Festivals World Bronze Medalist, ang Motorcycle Diaries, ngayong Huwebes 10pm sa GMA News TV Channel 11!