Tricycle na gawa sa kawayan, haharurot sa 'Motorcycle Diaries'

Nakakita ka na ba ng tricycle na gawa sa kawayan?  O kaya nama'y  tricycle na imbes sa gilid ay nasa likod  ang  passenger's seat? Ngayong Huwebes aarangkada na ang mga kakaibang tricycle, ang Bamboo Trike at ang Bajaj Tri-wheeler! Pero umubra naman kaya sa mga kalsada ng Maynila ang mga paandar na sasakyang ito?


Hataw sa pagharurot at palaban sila sa pagratsada! Pero ang mga astig na kareristang ito…. mga lady racer pala! Sa sport na karaniwang pinaghaharian ng mga kalalakihan, kayang-kaya rin daw nilang makipagsabayan! Sa All - Female Category ng Maico Buncio Cup, mag-aagawan sa kampeonato ang kinse anyos na si Jacq Buncio, kinse anyos na si Bethany Tolentino at ang beinte dos anyos na si Shiena Cuenca. Sino kaya ang magre-reyna sa race track?

 
Tutok na ngayong Huwebes 10PM, sa GMA News TV channel 11 sa New York Festivals World Bronze Medalist, ang Motorcycle Diaries: Live the Ride!