GMA Brandtalk
Tracking
Archives
Filtered By: Newstv
NewsTV
Pambansang Kamao Manny Pacquiao, muling aangkas sa "Motorcycle Diaries"
Ngayong Huwebes makakasama ni Jay ang dalawa sa pinakahinahangaang personalidad sa bansa, ang Pambansang Kamao na si Manny “Pacman” Pacquiao at ang Kapuso Hearthrob at tinaguriang Primetime Prince na si Alden Richards!
Mangyayari na sa Linggo ang pinakahihintay na bakbakan sa boxing ring - ang Pacquiao-Mayweather Fight. Pero bago natin saksihan ang tinaguriang Fight of the Century, makikiroadtrip muna kay Jay ang nag-iisang pambansang kamao na si Congressman Manny “Pacman” Pacquiao!
Nakilala sa larangan ng boxing ang "People's Champ" pero hindi alam ng karamihan na bukod sa boxing, hilig din ng Pambansang Kamao ang pagmomotorsiklo! Dahil sa pagsasanay at paghahanda sa kanyang mga laban, madalang na nga lang niya itong nagagawa. Kaya sa isang pambihirang pagkakataon, makaka roadtrip ni Jay Taruc si Manny Pacquiao. Haharurot sila mula sa General Santos City hanggang sa kapitolyo ng Saranggani.
Madami naman ang kinikilig sa tuwing mapapanuod sa telebisyon ang premyadong actor na si Alden Richards. Sa dami ng humahanga sa kanya, binansagan siyang Primetime Prince. Pero higit na mapapahanga ang kanyang fans kapag nalaman na ang kanilang idolo, marunong din palang magmotorsiklo!
Sa isang natatanging roadtrip sa kanyang bayan sa Laguna, kayanin kaya ni Alden ang mag-alaga ng itik at mag-gatas ng kambing? Ilan lang ito sa hamon ni Jay na buong tapang tinanggap ni Alden.
Kapit ng mahigpit sa natatanging roadtrip kasama ang ating mga idolo ngayong Huwebes 10pm sa 2015 New York Festivals Bronze Medalist, Motorcycle Diaries ngayong Huwebes, April 30 sa GMA News TV-11!
