Aangkas si kabiyaheng Drew Arellano sa "Motorcycle Diaries," ngayong Huwebes

Ngayong darating na Huwebes, isang "crossover" ang magaganap sa Motorcycle Diaries! Dalawa sa pinakamagaling na GMA News TV Hosts na sina Drew Arellano ng “Biyahe ni Drew” at Jay Taruc ng “Motorcycle Diaries” ang magsasama sa isang pambihirang pagkakataon para sa iisang hilig : ang pagmomotorsiklo.
 
Tulad ni Jay, ibang adrenaline rush daw ang hatid kay Drew ng pagmomotorsiklo. Gustong-gusto niya raw kapag tumatama na ang hangin sa kanyang mukha habang nakaangkas sa kanyang motor. Kaya naman hinamon ni Jay si Drew na subukan ang kanyang BMW S100R motorcycle sa  kahabaan ng Tanay, Rizal!
 
Pero hindi lang si Jay ang may hamon kay Drew, dahil si Drew may hamon din pala kay Jay. Bukod sa pagiging motorcycle enthusiast, isa ring triathlete si Drew at kasalukuyan siyang nagsasanay para sa Ironman 70.3  Vietnam na magaganap ngayong Mayo. Kaya ang ganti ng Biyahe ni Drew host sa Motorcycle Diaries host: subukan nito ang kanyang triahthlon training.
 
Nalilito na ba kayo kung kayo ay nasa “Biyahe ni Jay” o “Motorcycle Diaries ni Drew”?

Abangan ang masayang kwentuhan at  kulitan habang nagro-roadtrip sina Drew Arellano at Jay Taruc sa Motorcycle Diaries ngayong Huwebes, April 23 sa GMA News TV!