Pamilya ng mga pulis na naulila sa laban kontra-droga, kilalanin at kumustahin

NAULILA
19 October 2017 Episode

Isang taon nang patay si PO1 Romeo Mandapat, Jr. Maghahain lang dapat siya ng warrant of arrest kasama ang mga kapwa-pulis mula sa Camarin, Caloocan City pero nanlaban ang suspek. Nabaril si PO1 Mandapat at namatay.

Sa kampanya kontra droga ng administrasyong Duterte ay may halos 80 na raw na kawani ng PNP, PDEA at NBI ang namatay sa pagtupad sa tungkulin.

2016 nang madestino si Mandapat sa Caloocan at walong buwan pa lang sa serbisyo noong mamatay. Naulila niya ang misis na si Aidy at ang kanilang dalawang anak.

Binigyan ng gobyerno si Aidy ng trabaho. Bahagi ito ng Comprehensive Social Benefits Program ni Pangulong Duterte para sa pamilya ng mga nasawing pulis.

Mas mataas naman ang bilang ng mga napatay na suspek sa operasyon ng pulis mula Hulyo 2016. Halos 4,000 na ito ayon sa Philippine Drug Enforcement Agency (PDEA).

Kilalanin natin ang ilan sa mga naulila dahil sa kampanya kontra droga.

Huwag kaligtaang manood ng Investigative Documentaries ngayong Huwebes, alas otso ng gabi kasama ang 2013 Metrobank Journalist of the Year na si Malou Mangahas sa GMA News TV Channel 11.