Pinoy online influencers, kilalanin sa 'i Juander'

I Juander, paano sumikat, kumita at mag-travel nang libre sa pamamagitan ng internet?

Kung dati, sa radyo at telebisyon idinadaan ang pagsikat, ngayon, sa social media na! At kung noon, paramihan ng fans ang labanan, ngayon, followers at subscribers na ang binibilang!

Isang registered nurse si Anne pero dahil hirap noon na humanap ng trabaho, naisipin niyang mag-upload ng makeup tutorial videos. At ngayon nga, isa na siya sa mga pinaka kilalang vlogger bilang si Anne Clutz. Mayroon lang naman siyang kalahating milyong subscribers sa YouTube at 200,000 followers sa Instagram. Bukod sa nakakalibre ng mga makeup at beauty products, six digits na rin ang kinikita ni Anne kada buwan!

Nagsimula sila sa pagiging isang simpleng rap group na gustong makagawa ng sariling pangalan. At kung dati, hinahayaan lang ng mga netizen ang mga kantang ina-upload nila sa YouTube, ngayon talaga namang hindi na mapigilan ang pagsikat ng grupong Ex Batallion. Nakapag-concert na sila noong nakaraang buwan lang at may sarili na ring digital show.

Pero isa na marahil sa mga nauna sa pagiging online sensation ang tinaguriang “Hugot King” at suki rin sa I Juander na si Kimpoy Feliciano. Nakilala siya noon sa kanyang mga hugot videos at pa-fall na pickup lines. Pero ngayon, kinakarir na niya ang pagiging lifestyle at travel vlogger. Bukod sa nakakalibre ng mga out of the country trips, kumikita rin siya ng isa hanggang tatlong daang libong Piso kada video!

Samahan sina Susan Enriquez at Cesar Apolinario na kilalanin silang mga itinuturing na “online influencer.” Tumutok sa I Juander ngayong Miyerkules, alas otso nang gabi sa GMA News TV at alamin ang sagot sa tanong ni Juan:

I Juander, paano sumikat, kumita, at mag-travel nang libre sa pamamagitan ng internet?

English:

If before, people only get famous in radio and television, now even in Social Media! And if before, the popularity is based on number of fans, now the count is in the number of followers. 

Anne is a registered nurse, but because she had a hard time looking for a job, she thought of uploading make-up tutorial videos. And now, she is a popular vlogger, as Anne Clutz. She already has half a million subscribers on Youtube and 200,000 followers on Instagram. Aside from receiving free make up and beauty products, Anne also earn up to six digits every month.

They started as a simple rap group that wanted to make a name. And if before, the netizens do not pay attention to their songs, now they are one of the most popular online group, they are the Ex Batallion. They just had a concert last month and they now have a digital show.

One of the first online sensation is the “Hugot King” and a regular guest of I Juander, Kimpoy Feliciano. He became popular in his  hugot or sentimental videos and pick-up lines. But now, he is focusing more on being lifestyle and travel vlogger. Aside from free out of the country trips, he earns from 100,000 to 300,000 pesos  per video!

Join Susan Enriquez and Cesar Apolinario as they get to know the stories of popular “online influencers”. Please watch I Juander, Wednesday, eight o’clock in the evening in GMA news TV and learn the answer from the question:

I Juander, how to be popular, earn and travel for free through internet?